II SEMANA DE LOITA CONTRA AS FRONTERAS

O carácter represivo e criminalizador da política migratoria española e europea cada vez faise máis patente. A brutalidade policial contra as persoas migrantes na fronteira sur, os voos de deportación masiva ou “voos da vergoña” que están a encher as arcas das empresas aéreas, as devolucións sumarias eufemisticamente chamadas “en quente” avaladas pola Lei de Seguridade Cidadá, o internamento en Centros de Internamento de Estranxeiros (CIEs) ou as redadas racistas que teñen lugar cotidianamente dan boa mostra diso.

Porén, as restricións e vulneracións de dereitos ás que están sometidas as persoas migrantes van moito mais alá das actuacións que de cando en vez saltan à primeira plana dos medios de comunicación. No labirinto institucional e burocrático tamén atopamos múltiplas fronteiras e altas doses de racismo e xenofobia.

Para denunciar a situación nas fronteiras exteriores e interiores o Foro Galego da Imigración levou a cabo o pasado ano a I Semana de Loita contra as Fronteiras, na que contamos coa participación de moitas de vós.

Este ano gustaríanos contar coa túa contribución tamén polo que nos comprace convidarche a ti e ao teu colectivo a participar na "II semana de loita contra as fronteiras", que en Coruña consisitirá en dúas convocatorias o mesmo mércores 25 de febreiro:
Concentración de protesta contra os voos da vergoña o mércores ás 11:30 ante a Subdelegación de Goberno Charla coloquio sobre os voos da vergoña, no local da rúa Marqués de Pontejos,7 ás 21:00h

LEER MÁS :

COMUNICADO DE PRENSA II SEMANA GALEGA DE LOITA CONTRA ÁS FRONTEIRAS, PROMOVIDA POLO FORO GALEGO DE INMIGRACIÓN