2ª XUNTANZA DA REDE DE BARRIOS

Xuntanza da Rede de Barrios e Vilas da Coruña do día 14 de xaneiro
Bo día e benvidos/as. Estou segura de que é unha alegría para todos e todas o feito de estar aquí, celebrando a nosa segunda Xuntanza Indignada, e na que estivemos a traballar con gran ilusión.


Dado que queremos seguir medrando, e acadando cada día máis apoios, creemos que é importante explicar un pouco por qué estamos indignados, e como ven evolucionando todo isto, xa que existen moitos intereses en crear confusión ó redor do movemento 15M.


Temos que incidir no evidente, e é que o movemento non está formado por preguiceiros, ni nis, e cousas polo estilo, senón por persoas de toda idade e condición: xóvenes, menos xóvenes, adultos, estudantes, traballadores/as, xente sen emprego, pensionistas, etc...que estamos a loitar porque queremos vivir nun mundo máis xusto e máis humano.

- Preocúpanos profundamente a crise na que estamos inmersos, ocasionada polos bancos e que unicamente estamos a pagar nos.Tivemos que pagar un rescate ós bancos.


- Hoxe todo está manexado polo poder financeiro. Organismos como o Fondo Monetario Internacional, o Banco Europeo, as axencias de calificación, son as que controlan os nosos destinos.


- Preocúpanos enormemente o noso actual sistema político. Un sistema político corrupto, onde continuamente coñecemos novos casos de imputacións a dirixentes, e onde non se aparta ós imputados. Un sistema político cheo de privilexios. Non temos máis que ver cómo os nosos ministros e presidentes acaban de conselleiros de empresas como Barclays, Telefónica, Gas Natural e tantas e tantas outras.


- Preocúpanos todo o que se deriva disto: os niveis insustentables de paro, con especial incidencia na xuventude, da que xa se di unha xeración perdida, o recorte de dereitos, o recorte en sanidade, o aumento da idade de xubilación, os recortes na educación que lastrarán o noso futuro, os problemas na vivenda.


- E moitas outras cousas das que poderiamos falar durante horas, como a non separación de poderes, a degradación do medio ambiente, o gasto militar, onde se financian guerras e se envían a soldados a loitar contra ditadores ós que durante anos se lles venderon armas. E todas aquelas preocupacións que cada persoa leve dentro.


Isto vai ser un proceso longo e duro. Acaba de nacer e estamos aprendendo por onde ir. E nesta segunda xuntanza temos que profundizar en todos estes elementos que puxemos na primeira.


Cometeremos erros, pero se loitamos xuntos, nada o poderá parar.