CONDESA MURILLO GRANDE DE ESPAÑA

O seu credo liberal: expoliar todo o público. Desde o punto de vista social, na familia de Esperanza Aguirre, condesa de Murillo e "grande de España" e o seu marido, concorren máis de dez grandes familias terratenientes da nobreza española que aínda posúen importantes leiras en Madrid e provincias limítrofes.   As súas liñaxes remiten á vella aristocracia terrateniente madrileña que fraguou fortunas coa desamortización de Mendizabal e que ocuparon cargos políticos desde Alfonso XII até Franco.   
A súa compañeira de partido e Alcaldesa de Madrid Ana Botella di que"Nación e liberdade son os dous principios políticos clave" de Esperanza Aguirre.   Comezando polo segundo, os seus principios "liberais" son eses que permitiron durante o seu "reinado" na Comunidade de Madrid,  que as expropiacións e permutas de terreos para facer as grandes infraestruturas de Madrid, as compras e posterior recualificación de terreos ou a cesión de terreo público para empresas privadas fosen un inmenso negocio para esta vella estirpe latifundista.   
Familiares, amigos e correlixionarios amasaron fortunas ao compás da especulación inmobiliaria e cando o boom foi tocando ao seu fin, en nome deses mesmos principios "liberais", foi a Presidenta da Comunidade de Madrid quen saíu ao rescate dos sectores vinculados ao ladrillo pondo nas súas mans recursos públicos para converter dereitos básicos como a sanidade ou a educación en grandes negocios.